श्री महेन्द्र माध्यमिक विद्यालय बराहक्षेत्र-६ ले ६७ औँ बार्षिकोत्सव समारोह सफलतापूर्वक सम्पन्न गरेकोमा बधाई!!
सुनसरीको वराहक्षेत्र नगरपालिका वडा नं ६ चक्रघट्टिमा रहेको महेन्द्र माध्यमिक बिद्यालयले आफ्नो ६७ अौ बार्षिकोत्सव समारोह एव् अभिभावक दिवस मनाएको छ । बुधवार बिद्यालयले अौपचारिक कार्यक्रम आयोजना गरेर बार्षिकोत्सव समारोह मनाएको हो । कार्यक्रममा वराहक्षेत्र नगरपालिकाका प्रमुख रमेश कार्कीको प्रमुख आथिथ्यता रहेको थियो ।
कार्यक्रममा जिल्ला प्रशासन कार्यालय सुनसरीका प्रमुख जिल्ला अधिकारी जय नारायण आचार्य, जिल्ला प्रहरी कार्यालय सुनसरीका प्रमुख प्रहरी उपनिरिक्षक बिपिन रेग्मी , नगरपालिकाला प्रमुख प्रशासकीय अधिकृत देवेन्द्र बहादुर मल्ल , वडा नं ६ का अध्यक्ष उद्बव प्रसाद पोखरेल , वडा नं ८ का अध्यक्ष रोशन खड्का विशिष्ट अतिथि रहेका थिए । त्यस्तै राजनैतिक दलका प्रतिनिधि, स्थानिय जनप्रतिनिधि , बिद्याकयका संस्थापकहरु , पुर्ब प्रध्यानाध्यापकहरु, पुर्ब शिक्षकहरु , पुर्ब व्यवस्थापन समितिका अध्यक्षहरु , समाजसेवि , चन्दादाता , अक्षयकोष दाताहरुको गरिमाय आयिथ्यता रहेको थियो ।
बिद्यालय व्यवस्थापन समितिका अध्यक्ष सालिग्राम दाहालको सभाध्यक्षतामा आयोजना भएको कार्यक्रममा बिद्यालयका प्रध्यानाध्याक चण्डिराज पोखरेलले बिद्यालयको आर्थिक बर्ष २०७९/०८० को आय/ व्यय तथा भावि योजना प्रस्तुत गरेका थिए । कार्यक्रममा बिद्यालयले विभिन्न खेलकुद तथा शैक्षिक प्रतियोगिता र गतिविधिमा उत्कृष्ट भएका बिद्यार्थीहरुलाई पुरस्कृत समेत गरिएको थियो । २०१३ सालमा स्थापना भएको उक्त बिद्यालय वराहक्षेत्र नगरपालिकै जेठो सामुदायिक बिद्यालय मध्यको एक हो ।