बराहक्षेत्रको महेन्द्र मा.बि तित्रीगाछीले ५१औं वार्षिकोत्सव तथा स्वर्ण जयन्ती उत्साह पुर्ण सम्पन्न गरेकोमा बधाई!!
वराहक्षेत्र नगरपालिका वडा नं ७ तित्रीगाछिमा रहेको महेन्द्र माध्यमिक बिद्यालयले आफ्नो ५१ औं वार्षिकोत्सव समारोह तथा स्वर्ण जयन्ती सम्पन्न गरेको छ ।
माघ १५ गतेदेखि सुरु भएको कार्यक्रम आज १९ गते शुक्रवार विद्यालयले औपचारिक कार्यक्रम आयोजना गरेर वार्षिकोत्सव समारोह तथा तथा स्वर्ण जयन्त्ती सम्पन्न गरेको हो ।
कार्यक्रममा नगर प्रमुख रमेश कार्कीको प्रमुख आथिथ्यता रहेको थियो ।
विद्यालय व्यवस्थापन समितिका अध्यक्ष पर्शुराम आचार्यको सभाध्यक्षयतामा आयोजना भएको कार्यक्रममा विद्यालयका प्रधानाध्यापक फिरोज घिमिरेले विद्यालयको इतिहास र भावी योजना प्रस्तुत गर्दै विद्यालयको गतिविधि बारे जानकारी तथा आर्थिक वर्ष २०७९/०८० को आय/व्यय तथा आर्थिक प्रतिवेदन प्रस्तुत गरेका थिए । कार्यक्रममा साहयक प्रध्यानाध्यापक राजेन्द्र बस्नेतले स्वागत मन्तब्य राखेका थिए ।
कार्यक्रममा विद्यालयको संवरण जयन्ती कार्यक्रमलाई सफल बनाउन सहयोग गर्ने सहयोगि व्यक्तित्व , संघ , संस्थाहरुलाई सम्मान गरिएको थियो । भन्ने बिद्यार्थीहरुले स्वागत नृत्य सामुयिक सास्कृतिक नृत्य प्रस्तुत गरेका थिए । कार्यक्रममा बिद्यार्थीहरुले मार्चपास तथा नेवा समाज वराहक्षेत्र , मगर संघ वराहक्षेत्र , किरात राई यायोख्या र उराव समाज बराहक्षेत्रले आ- आफ्नो परम्परागत झाँकी प्रस्तुत गरेका थिए । कार्यक्रममा बिद्यालयले प्रकाशन गरेको महेन्द्र स्मारिकाको समेत बिमोचन गरिएको थियो ।
यस अगाडि वार्षिकोत्सव समारोह तथा स्वर्ण जयन्त्ती – २०७९ सम्पन्न कार्यक्रमकै अवशरमा विभिन्न खेलकुद तथा शैक्षिक गतिबिधिमा उत्कृष्ट बिद्यार्थीहरुलाई पुरस्कृत , छात्रावृति , लोक नृत्य प्रतियोगिता , भलिबल प्रतियोगिता , चिल्ड्रेन पार्क , स्टेज उद्बघाटन लगाएका कार्यक्रम आयोजना सम्पन गरेको थियो ।
बि.स. २०२९ सालमा स्थापना भएको उक्त विद्यालय वराहक्षेत्र नगरपालिकै प्रतिष्ठित सामुदायिक विद्यालयको रुपमा रहेको छ ।
