आज मिति २०७१ पौष १७ गते बुधबार तदनुसार १ जनवरी २०२५ मा श्री जगन्नाथ डेडराज जनता माध्यमिक विद्यालय बराहाक्षेत्र-५ कालाबञ्जार सुनसरीमा विन्टर क्याम्प तथा दीक्षान्त समारोह बराहक्षेत्र नगरपालिकाका नगर प्रमुख तथा स्थानीय स्काउट बराहक्षेत्रका संरक्षक श्री रमेश कार्कीद्वारा समुद्घाटन गरिएको छ। तीन दिन दुई रातको यो कार्यक्रम श्री जगन्नाथ डेडराज जनता माध्यमिक विद्यालयमा पुष १९ गतेसम्म सञ्चालन हुने ज. डे.ज. स्काउट दलले सञ्चालन गर्ने भएको ज. डे. ज. स्काउट दलका स्काउट मास्टर श्री अन्जय स्याङदान र श्री चन्द्रकला दाहालले जनाउनुभएको छ।
कार्यक्रममा विशिष्ट अतिथि बराहक्षेत्र नगरपालिकाका उपप्रमुख श्री नन्दकुमारी राई सुनुवार, बराहा क्षेत्र नगरपालिकाका प्रशासकीय अधिकृत श्री गणेश कटवाल, युवा शिक्षा तथा खेलकुद शाखाका प्रमुख श्री उत्तम भारतीको पनि उपस्थिति रहेको थियो।
यसैगरी कार्यक्रममा स्काउटसँग सम्बद्ध अन्य विशिष्ट महानुभावहरूको पनि उपस्थिति रहेको थियो।
स्थानीय समाजसेवी, बुद्धिजीवी, प्रधानाध्यापक तथा लब्ध प्रतिष्ठित व्यक्तित्वहरूको पनि उपस्थिति रहेको थियो।
पुष १८ गते विद्यालयमा क्याम्प फायरिङ र पुष १९ गते विभिन्न साहसिक कार्यहरूमा विद्यार्थीहरूलाई सहभागी गराउँदै समापन गर्ने योजना रहेको छ।
कार्यक्रमलाई ज.डे.ज. स्काउट दलका स्काउट मास्टर तथा सदस्य सचिव श्री अन्जय स्याङदानले सञ्चालन गर्नुभएको थियो।
